കളമശേരി: യു ബെര്‍ ടാക്‌സി ഡ്രൈവറെ ഓട്ടോറിക്ഷ തൊഴിലാളികള്‍ മര്‍ദിച്ചതായി പരാതി.
ലുലു മാളിനടുത്തുവച്ച് ശനിയാഴ്ച രാത്രിയാണ് ആലുവ മുട്ടം തോട്ടത്തില്‍ വിട്ടില്‍ ജബാര്‍ (42 )ന് മര്‍ദനമേറ്റത്.
യാത്രകാരനെ കയറ്റാന്‍ എത്തിയ ജബാറിനോട് ഇവിടെ നിന്നും യാത്രക്കാരെ കയറ്റാന്‍ പാടില്ലെന്ന് പറഞ്ഞ ശേഷം ജബാറിന്റെ മൊബൈല്‍ ഫോണ്‍ വലിച്ചെറിഞ്ഞ ശേഷം ആക്രമിക്കുകയായിരുന്നു.
ഫോണ്‍ എടുക്കാന്‍ ശ്രമിച്ച ജബാറിനെ വയറ്റിലും മുഖത്തും പത്തോളം വരുന്ന ഓട്ടോറിക്ഷ തൊഴിലാളികള്‍ മര്‍ദിക്കുകയായിരുന്നു.
കളമശേരി പോലിസില്‍ പരാതി നല്‍കി. യുബൈര്‍ ഓണ്‍ ലൈന്‍ടാക്‌സി ഡ്രൈവര്‍മാര്‍ക്ക് നേരെ ജില്ലയിലെ മുപ്പതി ഒന്നാമതെ അക്രമണമാണ് ശനിയാഴ്ച രാത്രി ജബാറിനു നേരെ നടന്നത് എന്നും ജില്ലയില്‍ വ്യപക അക്രമം നടക്കുമ്പോഴും അധികാരികള്‍ മൗനം പാലിക്കുകയാണന്നും ഓണ്‍ലൈന്‍ ടാക്‌സി ഡൈവേഴ്‌സ് അസോസിയേഷന്‍ സംസ്ഥാന പ്രസിഡന്റ്.റ്റി.ആര്‍.എസ് കുമാര്‍ പറഞ്ഞു.