കാസര്‍കോട്: ഓണത്തോടനുബന്ധിച്ചു കയര്‍ തൊഴിലാളികള്‍ക്ക് 2016 ജനുവരി മുതല്‍ മെയ് വരെയുള്ള വേതനത്തിന്റെ 20 ശതമാനം അഡ്വാന്‍സ് ബോണസായും 9.74 ശതമാനം ബോണസ് ഇന്‍സെന്റിവായും ലഭിക്കും.
അഡി. ലേബര്‍ കമ്മിഷണര്‍ ഡോ. ജി.എല്‍ മുരളീധരന്റെ അധ്യക്ഷതയില്‍ ചേര്‍ന്ന തൊഴിലാളി, തൊഴിലുടമാ പ്രതിനിധികളുടെ യോഗത്തിലാണു തീരുമാനം.
സെപ്റ്റംബര്‍ ഏഴിനു മുന്‍പ്  തുക വിതരണം ചെയ്യാനും ധാരണയായിട്ടുണ്ട്. സ്വകാര്യ സ്ഥാപനങ്ങള്‍ക്കു പുറമെ സഹകരണ, പൊതുമേഖലയിലെ തൊഴിലാളികള്‍ക്കും പുതുക്കിയ തീരുമാനപ്രകാരമുള്ള ബോണസ് ലഭിക്കും.