പള്ളുരുത്തി: അര്‍ധരാത്രിയില്‍ അജ്ഞാത വാഹനം ഇടിച്ചു വൈദ്യുതി തൂണ് തകര്‍ന്നു. മുണ്ടംവേലി ജല വായു വിഹാറിന് സമീപം റോഡരികിലെ തൂണാണ് തകര്‍ന്നത്. ഇടിയുടെ ആഘാതത്തില്‍ തൂണിന്റെ അടിഭാഗം ഒടിഞ്ഞ് വൈദ്യുതി കമ്പികളില്‍ തൂങ്ങി കിടക്കുകയാണ്. ഇടിച്ച ശേഷം വാഹനം നിര്‍ത്താതെ പോയി. പോസ്റ്റ് തകര്‍ന്നതോടെ സമീപ പ്രദേശങ്ങളിലെ വൈദ്യുതി വിതരണം നിലച്ചു. വൈദ്യുതി ഓഫിസില്‍ നിന്ന് ജീവനക്കാരെത്തി പോസ്റ്റ് മാറ്റിയതോടെയാണ് വൈദ്യുതി ബന്ധം പുനസ്ഥാപിച്ചത്. ഇടിച്ചു കടന്നു കളഞ്ഞ വാഹനത്തിനായി അന്വേഷണം ആരംഭിച്ചിട്ടുണ്ട്.