തളിപ്പറമ്പ് : സുരക്ഷയുടെ ഭാഗമായി തളിപ്പറമ്പ് പൊലിസ് സ്റ്റേഷന്‍ പരിധിയില്‍ വിവിധ സ്ഥലങ്ങളില്‍ ബോംബ് സ്‌ക്വാഡും ഡോഗ് സ്‌ക്വാഡും പരിശോധന നടത്തി.
രഹസ്യാന്വേഷണ വിഭാഗത്തിന്റെ റിപ്പോര്‍ട്ടുകളുടെ അടിസ്ഥാനത്തിലായിരുന്നു പരിശോധന. തിങ്കളാഴ്ച്ച തളിപ്പറമ്പ് പൊലിസ് സ്‌റ്റേഷന്‍ പരിധിയില്‍ പട്ടുവം, കൂത്താട്ട്, അരിയില്‍ തുടങ്ങി സ്ഥലങ്ങളിലാണ് പരിശോധന നടത്തിയത്. തളിപ്പറമ്പ് പൊലിസിന്റെ സാന്നിദ്ധ്യത്തില്‍ കണ്ണൂരില്‍ നിന്നും എത്തിയ ബോംബ് സ്‌ക്വാഡും ഡോഗ് സ്വാഡുമാണ് പരിശോധന നടത്തിയത്. എസ്.ഐ കെ. ദിനേശന്‍, ബോംബ് സ്‌ക്വാഡ് എസ്.ഐ ടി.വി ശശിധരന്‍. ഡോഗ് സ്‌ക്വാഡ് എന്നിവരുടെ നേതൃത്വത്തിലാണ് പരിശോധന നടന്നത്.
കഴിഞ്ഞ ദിവസം പരിയാരം മെഡിക്കല്‍ കോളജ് പരിസരങ്ങളില്‍ ബോംബ് സ്‌ക്വാഡ് പരിശോധന നടത്തിയിരുന്നു. മെഡിക്കല്‍ കോളജ് പരിസരം, പാര്‍ക്കിങ്ങ് സ്ഥലങ്ങള്‍, ഔഷധി പരിസരം, ഒഴിഞ്ഞ പറമ്പുകള്‍ എന്നിവടങ്ങളിലാണ് പരിശോധന നടന്നത്. ജില്ലയിലെ വിവിധ ഭാഗങ്ങളില്‍ വരും ദിവസങ്ങളില്‍ പരിശോധന തുടരും.