തൃക്കരിപ്പൂര്‍: സ്റ്റുഡന്റ് പൊലിസ് കേഡറ്റ് ആറാം സ്ഥാപക ദിനാചരണത്തിന്റെ ഭാഗമായി ഉദിനൂര്‍ ഗവ. ഹയര്‍സെക്കന്‍ഡറി വിദ്യാര്‍ഥികള്‍ എസ്.പി.സി ഗീതത്തിനു നൃത്താവിഷ്‌കാരമൊരുക്കി. ദേശിയോദ്ഗ്രഥനം, സുരക്ഷ, കേഡറ്റുകളുടെ സമ്പൂര്‍ണ വികാസം തുടങ്ങിയ കാര്യങ്ങള്‍ ഉള്‍പ്പെടുത്തി ഒരുക്കിയ നൃത്തരൂപം പത്തു വനിതാ കേഡറ്റുകളാണ് അരങ്ങില്‍ അവതരിപ്പിച്ചത്. ചന്തേര എസ്.ഐ ഇ അനൂപ് കുമാര്‍ ഉദ്ഘാടനം ചെയ്തു. പി.ടി.എ പ്രസിഡന്റ് പി.പി കുഞ്ഞികൃഷ്ണന്‍ അധ്യക്ഷനായി. അഡിഷണല്‍ എസ്.ഐമാരായ ടി.പി ശശിധരന്‍, എം.പി പത്മനാഭന്‍, പ്രധാനധ്യാപകന്‍ ഇ.പി വിജയന്‍, പ്രിന്‍സിപ്പല്‍ ഷീല കുഞ്ഞിപുരയില്‍ പ്രസംഗിച്ചു.
തൃക്കരിപ്പൂര്‍ ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂളില്‍ എസ്.പി.സി ദിനാചരണം നാട്ടുമാവ് നട്ട് ആചരിച്ചു. ചന്തേര എസ്.ഐ ഇ അനൂപ് കുമാര്‍ ഉദ്ഘാടനം ചെയ്തു.
പി.ടി.എ വൈസ്പ്രസിഡന്റ് മോഹനന്‍ അധ്യക്ഷനായി. പ്രകൃതിമിത്ര അവാര്‍ഡ് ജേതാവ് കൃഷ്ണപ്രസാദ്, പ്രധാനധ്യാപകന്‍ ഗംഗാധരന്‍ വെള്ളൂര്‍,മധു മാസ്റ്റര്‍ സംസാരിച്ചു.