കാഞ്ഞങ്ങാട്: വ്യവസായ , കൈത്തറി, ടെക്‌സ്റ്റൈല്‍സ് വകുപ്പുകള്‍ സംയുക്തമായി ജില്ലാതലത്തില്‍ നടത്തിയ ചിത്രരചനാ മത്സരത്തില്‍ പ്രൈമറി വിഭാഗത്തില്‍ അരയി ഗവ.യു.പി സ്‌കൂളിലെ അഞ്ചാം തരം വിദ്യാര്‍ഥിനിയായ ബി നീലിമയ്ക്ക് ഒന്നാം സ്ഥാനം.  
2500 രൂപയുടെ കാഷ്  അവാര്‍ഡും സര്‍ട്ടിഫിക്കറ്റുമാണ് പുരസ്‌കാരം.
പ്രശസ്ത ചിത്രകാരന്‍ രാജേന്ദ്രന്‍ പുല്ലൂരിന്റെ ശിക്ഷണത്തില്‍ ചിത്രകല പരിശീലിച്ചു വരുന്ന നീലിമ മടിക്കൈ ചൂരിത്തടത്തിലെ രവിയുടെയും സുനിലയുടെയും മകളാണ്.
സ്‌കൂളില്‍ ചേര്‍ന്ന  ചടങ്ങില്‍ നീലിമയെ അനുമോദിച്ചു. ചിത്രകാരന്‍ വിനോദ് അമ്പലത്തറ ചെക്ക് കൈമാറി.
പ്രധാനധ്യാപകന്‍ കൊടക്കാട് നാരായണന്‍, കെ.വി സൈജു, ശോഭന കൊഴുമ്മല്‍, എ.വി ഹേമാവതി, പി ബിന്ദു, കെ വനജ, സിനി എബ്രഹാം, ശരത്കൃഷ്ണന്‍  എന്നിവര്‍  പ്രസംഗിച്ചു.