ആലപ്പുഴ: തെരുവ് നായയുടെ കടിയേറ്റ് നാലുവയസുകാരനുള്‍പ്പെടെ നാലുപേര്‍ക്ക് പരുക്കേറ്റു. ചേര്‍ത്തല പഞ്ചായത്ത് 14-ാം വാര്‍ഡില്‍ മരത്തൂര്‍വട്ടം പയറ്റുകാട്ട്പടി പുരുഷോത്തമന്‍ (55), ചേര്‍ത്തല മായിത്തറ ചേന്നാട്ട് വീട്ടില്‍ കുട്ടപ്പനാചാരി (72) ഇവര്‍ക്കൊപ്പമുണ്ടായിരുന്ന നാലുവയസുകാരന്‍, മറ്റൊരു യുവതി എന്നിവര്‍ക്കാണ് കടിയേറ്റത്. ഇവരെ വണ്ടാനം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇന്നലെ നാല് മണിയോടെ കളത്തില്‍വെളി ഭാഗത്തുവച്ചായിരുന്നു സംഭവം. വഴിയാത്രക്കാരായ ഇവരെ നായ കടന്നാക്രമിക്കുകയായിരുന്നു. ഗുരുതരമായി പരുക്കേറ്റ ഇവരെ പിന്നീട് നാട്ടുകാരാണ് ആശുപത്രില്‍ പ്രവേശിപ്പിച്ചത്.