ഇംഫാല്‍: ഗോകുലം എഫ്.സിക്ക് ഇന്ന് രണ്ടാം മത്സരം. ഇംഫാലില്‍ നെരോക്ക എഫ്.സിക്കെതിരേയാണ് ഗോകുലത്തിന്റെ രണ്ടാം മത്സരം. ആദ്യ മത്സരത്തില്‍ മോഹന്‍ ബഗാനെ സമനിലയില്‍ തളച്ചതിന്റെ ആത്മവിശ്വാസവുമായിട്ടാണ് ടീം ഇന്ന് മത്സരത്തിനിറങ്ങുന്നത്. ഇന്ന് ജയത്തെക്കുറിച്ച് മാത്രമേ ചിന്തിക്കുന്നുള്ളൂവെന്ന് ഗോകുലം പരിശീലകന്‍ ബിനോ ജോര്‍ജ് പറഞ്ഞു.
കഴിഞ്ഞ സീസണില്‍ നെരോക്കയ്‌ക്കെതിരേയുള്ള രണ്ട് മത്സരത്തിലും ഗോകുലം തോറ്റിരുന്നു. ഹോം മത്സരത്തില്‍ എതിരില്ലാത്ത മൂന്ന് ഗോളിനും എവേ മത്സരത്തില്‍ എതിരില്ലാത്ത ഒരു ഗോളിനുമായിരുന്നു ഗോകുലം പരാജയപ്പെട്ടത്. ആദ്യ മത്സരത്തിലെ തെറ്റുകള്‍ തിരുത്തിയാണ് ടീം ഇന്നിറങ്ങുകയെന്നും ബിനോ കൂട്ടിച്ചേര്‍ത്തു.
മോഹന്‍ ബഗാനെതിരേയുള്ള ആദ്യ മത്സരത്തില്‍ മികച്ച പ്രകടനം പുറത്തെടുത്ത രാജേഷിനെ ഇന്ന് ആദ്യ ഇലവനില്‍ ഇറക്കുമെന്നും ബിനോ പറഞ്ഞു.
ആദ്യ മത്സരത്തില്‍ നെരോക്ക ഈസ്റ്റ് ബംഗാളിനോട് പരാജയപ്പെട്ടിരുന്നു. നെരോക്കയുടെ ഹോം മത്സരത്തിലെ മൂന്ന് പോയിന്റും നേടുകയാണ് ഇന്നത്തെ ലക്ഷ്യമെന്നും ബിനോ കൂട്ടിച്ചേര്‍ത്തു.