കണ്ണൂര്‍: ഭരണമേഖലയിലെ മികച്ച നേട്ടങ്ങള്‍ക്കുള്ള സ്‌കോച്ച് ഓര്‍ഡര്‍ ഓഫ് മെറിറ്റ് പുരസ്‌കാരം കണ്ണൂര്‍ ജില്ലയ്ക്ക്. കലക്ടര്‍ പി ബാലകിരണിന്റെ നേതൃത്വത്തില്‍ നടപ്പാക്കിയ ബാരിയര്‍ ഫ്രീ കണ്ണൂര്‍, മിഷന്‍ മാന്‍ഗ്രോവ്‌സ് എന്നീ പദ്ധതികളുടെ പേരിലാണ് പുരസ്‌കാരം. ഡല്‍ഹിയില്‍ നടന്ന ഇവാല്വേഷനില്‍ സബ് കലക്ടര്‍ നവജോത് ഖോസയാണ് ജില്ലയുടെ പദ്ധതികള്‍ അവതരിപ്പിച്ചത്. സെപ്റ്റംബര്‍ 8, 9 തിയതികളില്‍ ഹൈദരാബാദ് ഹൈടെക് സിറ്റിയില്‍ നടക്കുന്ന സമ്മേളനത്തില്‍ വിതരണം ചെയ്യും.