പെരിങ്ങത്തൂര്‍: പെരിങ്ങത്തൂര്‍ മഹല്ല് ജമാഅത്ത് ശൈഖ് അലിയ്യുല്‍ കൂഫി(റ)തങ്ങള്‍ മഖാം ഉറൂസിനോടനുബന്ധിച്ച് മേഖലാതല കുടുംബ സംഗമത്തിനു നാളെ വൈകുന്നേരം നാലിനു പെരിങ്ങത്തൂര്‍ മനാറുല്‍ ഹുദാ മദ്‌റസ ഹാളില്‍ തുടക്കമാകും. ഉസ്താദ് റഫീഖ് സക്കരിയ ഫൈസി, ടി.കെ ഉമര്‍ മുസ്‌ല്യാര്‍ പങ്കെടുക്കും. രാത്രി ഏഴിനു അണിയാരം അല്‍ മദ്‌റസത്തുല്‍ അലിയ്യയില്‍ നടക്കുന്ന കുടുംബ സംഗമം മുഹമ്മദ് ബാഖവി പാലത്തുങ്കര ഉല്‍ഘാടനം ചെയ്യും.
സുഹൈല്‍ റഹ്മാനി പൊന്നാനി മുഖ്യ പ്രഭാഷണം നടത്തും.  എട്ടിനു വൈകുന്നേരം നാലിനു ഒലിപ്പില്‍ അല്‍ മദ്‌റസത്തുല്‍ അലിയ്യയില്‍ നടക്കുന്ന കുടുംബ സംഗമം ശരീഫ് റഹ്മാനി നാട്ടുകല്‍ പ്രഭാഷണം നടത്തും. ഒമ്പതിനു വൈകുന്നേരം നാലിനു കായപ്പനച്ചിയില്‍ നടക്കുന്ന സംഗമം മൗലവി എസ് അനുബുല്‍ ഹാദി പ്രഭാഷണം നടത്തും.
12ന് വൈകിട്ട് നാലിനു നടക്കുന്ന കുടുംബസംഗമം റഫീഖ് സക്കരിയ ഫൈസി കൂടത്തായ്, അബ്ദുല്‍ ഹക്കീം അല്‍ ഖാസിമി തുടങ്ങിയവര്‍ പ്രഭാഷണം നടത്തും. പെരിങ്ങത്തൂര്‍ യത്തീംഖാന ഹാളില്‍ നടന്ന യോഗത്തില്‍ മഹല്ല് പ്രസിഡന്റ് കുറുവാളി മമ്മു ഹാജി അധ്യക്ഷനായി. ടി.കെ ഉമര്‍ മുസ്‌ല്യാര്‍ പ്രാര്‍ത്ഥന നടത്തി. വി നാസര്‍, കൂടത്തില്‍ കുഞ്ഞബ്ദുല്ല, പി.കെ മൂസ്സ ഹാജി, തിരുവമ്പാടി നാസര്‍, ടി.കെ ഹനീഫ്, സി.ഐ മഹമൂദ്,  കെ.കെ കരീം ഹാജി സംസാരിച്ചു.