അടിമാലി: ദക്ഷിണ കേരളാ ലജ്‌നത്തുല്‍ മുഅല്ലിമീന്‍ അടിമാലി മേഖലയുടെയും സംയുക്ത മഹല്ലുകളുടെയും നേത്യത്വത്തില്‍ അടിമാലിയില്‍ വിപുലമായ രീതിയില്‍ മിലാദ് റസൂല്‍ സംഗമവും റാലിയും  ഇന്ന് സംഘടിപ്പിക്കും.
വൈകിട്ട് നാലിന് അടിമാലി ടൗണ്‍ ജുമാമസ്ജിദ് അങ്കണത്തില്‍ നിന്നാരംഭിക്കുന്ന റാലിയില്‍ വിവിധ മഹല്ലുകളില്‍ നിന്നുളളവര്‍ പങ്കെടുക്കും.
 തുടര്‍ന്ന് നടക്കുന്ന പൊതുസമ്മേളനവും മിലാദ് റസൂല്‍ സംഗമവും പാണക്കാട് സയ്യിദ് ബഷീറലി  ശിഹാബ് തങ്ങള്‍ ഉദ്ഘാടനം ചെയ്യും. തുടര്‍ന്ന് നൗഷാദ് ബാഖവിയുടെ പ്രഭാഷണം.
അടിമാലി മേഖലയിലെ 24 മഹല്ലുകളുടെ സഹകരണത്തോടെയാണ് പരിപാടി സംഘടിപ്പിച്ചിരിക്കുന്നത്. അടിമാലി ടൗണ്‍ ജുമാമസ്ജിദ് ഇമാം ഹാഫിസ് മുഹമ്മദ് അര്‍ഷാദ് മൗലവി ചെയര്‍മാനും  നൗഷാദ് മിഫ്താഹി  ജനറല്‍ കണ്‍വീനറുമായ  51 അംഗ സ്വഗത സംഘമാണ് പരിപാടിക്ക് നേതൃത്വം നല്‍കുന്നത്.