പൊന്നാനി: ബൈക്കിലെത്തി സ്ത്രീകളുടെ മാല തട്ടിപ്പറിച്ച് കടന്നു കളയുന്ന മോഷ്ടാവിനെ പൊന്നാനി സി.ഐ.സണ്ണി ചാക്കോയുടെ നേതൃത്വത്തില്‍ പൊലീസ് പിടികൂടി. കാലടി നരിപ്പറമ്പ് തണ്ടിലം പന്തേപ്പാലം സ്വദേശി കരുമാന്‍ കുഴിയില്‍ മുഹമ്മദ് സാലിഹി (20)നെയാണ് പൊലീസ് അറസ്റ്റ് ചെയ്തത്.പൊന്നാനി, ചങ്ങരംകുളം, കുറ്റിപ്പുറം, കൊപ്പം പൊലീസ് സ്റ്റേഷനുകള്‍ക്ക് കീഴില്‍ പലയിടങ്ങളില്‍ നിന്നായി മോഷണം നടത്തിയതായി യുവാവ് പൊലിസിനോട് പറഞ്ഞു. മോഷ്ടിച്ച സ്വര്‍ണ്ണാഭരണങ്ങള്‍ വളാഞ്ചേരിയിലെ ജ്വല്ലറിയിലാണ് വില്പന നടത്തിയിരുന്നത്.പ്രതിയെ പൊന്നാനി കോടതിയില്‍ ഹാജരാക്കി റിമാന്റ് ചെയ്തു.