വടകര: തോടന്നൂര്‍-ചെമ്മരത്തൂര്‍ റോഡില്‍ പൊലിസിനെ കൈയേറ്റം ചെയ്ത സംഭവത്തില്‍ സി.പി.എം പ്രവര്‍ത്തകന്‍ അറസ്റ്റില്‍. ചെമ്മരത്തൂര്‍ തൈവെച്ചപറമ്പത്ത് നിപീഷിനെയാണ് (26) വടകര ജൂനിയര്‍ എസ്.ഐ ഷറഫുദ്ദീന്‍ അറസ്റ്റ് ചെയ്തത്.
കഴിഞ്ഞദിവസം രാത്രി പട്രോളിങ്ങിനിടെ സംശയാസ്പദമായ സാഹചര്യത്തില്‍ കണ്ട ഇയാളെ പൊലിസ് സംഘം ചോദ്യംചെയ്യുമ്പോള്‍ മോശമായി പെരുമാറി ഔദ്യോഗിക കൃത്യനിര്‍വഹണം തടസപ്പെടുത്തുകയും കൈയേറ്റം ചെയ്‌തെന്നുമാണു കേസ്. ഫോണില്‍ കൂടുതല്‍ പേരെ വിളിച്ചുവരുത്തുകയും ചെയ്തു.
കൂടുതല്‍ പൊലിസ് എത്തിയാണ് ഇയാളെ കസ്റ്റഡിയിലെടുത്തത്. നിപീഷിനെതിരേ 17 കേസുകള്‍ നിലവിലുണ്ടെന്നു പൊലിസ് പറഞ്ഞു. ജുഡിഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.