ഭുവനേശ്വര്‍: ഒന്‍പത് കേന്ദ്രീയ വിദ്യാലയങ്ങളിലായി 184 ക്ലാസ് റൂമുകള്‍ ഡിജിറ്റലാക്കി ഒറീസ സര്‍ക്കാര്‍. ഭുവനേശ്വര്‍, ഖോര്‍ദ റോഡ്, കട്ടക്ക് എന്നിവിടങ്ങളിലായി നവീകരിച്ച ക്ലാസ് മുറികള്‍ പെട്രോളിയം സ്റ്റീല്‍ മന്ത്രി ദര്‍മേന്ദ്ര പ്രധാന്‍ ഉദ്ഘാടനം ചെയ്തു.
നാലു കോടി ചെലവില്‍ നിര്‍മിച്ച പദ്ധതി 12,300ലധികം വിദ്യാര്‍ഥികള്‍ക്ക് ഉപകാരപ്പെടുമെന്നാണ് കണക്കാക്കുന്നത്.
കംപ്യൂട്ടറുകള്‍, പ്രത്യേക സോഫ്റ്റ്‌വെയര്‍, ഓഡിയോ ടെക്‌നോളജി, ലിസണിങ് ഉപകരണങ്ങള്‍, നെറ്റ് വര്‍ക്കിങ് തുടങ്ങിയ സൗകര്യങ്ങള്‍ ഉള്‍പ്പെടുത്തിയിട്ടുണ്ട്. 2005ലെ തന്റെ അമേരിക്കന്‍ സന്ദര്‍ശനത്തില്‍ നിന്നാണ് ഇത്തരം ഒരാശയം തനിക്ക് ലഭിച്ചത്, അടുത്ത ലക്ഷ്യം 400 ക്ലാസ് മുറികളാണ്- മന്ത്രി പറഞ്ഞു.