ചങ്ങനാശ്ശേരി: സമസ്ത 90-ാം വാര്‍ഷിക സമ്മേളനത്തോടനുബന്ധിച്ചുള്ള സന്ദേശ യാത്ര ജനുവരി 19ന് ജില്ലയിലെത്തും. കന്യാകുമാരിയില്‍ നിന്നുമാരംഭിക്കുന്ന ജാഥക്ക് പ്രൊഫ.ആലിക്കുട്ടി മുസ്‌ലിയാരും പാണക്കാട് സയ്യിദ് സാദിഖലി ശിഹാബ് തങ്ങളുമാണ് നേതൃത്വം നല്‍കുന്നത്.
ജില്ലാ അതിര്‍ഥിയില്‍ നിന്നും സ്വീകരിച്ച് 19ന് രാവിലെ പത്തിന് പത്തനംതിട്ടയില്‍ നിന്നു സ്വീകരണമേറ്റുവാങ്ങി ഒരു മണിക്ക് ചങ്ങനാശ്ശേരിയിലും വൈകിട്ട് നാലിന് കോട്ടയം പഴയ പോലീസ് മൈതാനിയിലും ആറിന് തലയോലപ്പറമ്പിലും സ്വീകരണ പരിപാടികള്‍ നടക്കും. രാത്രി എട്ടുമണിയോടെ തൊടുപുഴയില്‍ സമാപിക്കും.
പ്രചരണ പരിപാടിയുമായി ബന്ധപ്പെട്ട് ചങ്ങനാശേരി പഴയപള്ളി ജമാഅത്ത് ഓഡിറ്റോറിയത്തില്‍ നടന്ന യോഗം സമസ്ത ഓര്‍ഗനൈസര്‍ എ.കെ  ആലിപ്പറമ്പ് ഉദ്ഘാടനം ചെയ്തു. എസ്.എം.എഫ് കോട്ടയം ജില്ലാ പ്രസിഡന്റ് ഹാജി എസ്.എം ഫുആദിന്റെ അധ്യക്ഷനായി.
ജില്ലയിലെ മുഴുവന്‍ സ്വീകരണ യോഗങ്ങളിലും വിഖായ പ്രവര്‍ത്തകരെ സജ്ജീകരിക്കാന്‍ എസ്.എം.എഫ്, എസ്.കെ.എസ്.എസ്.എഫ് കോട്ടയം ജില്ലാ പ്രവര്‍ത്തകര്‍ തീരുമാനിച്ചു. ചങ്ങനാശ്ശേരി മേഖല എസ്.എം.എഫ് പ്രസിഡന്റായി ഹാജി സുബൈര്‍ മൗലവി, സെക്രട്ടറി റെജി പട്ടേല്‍, ട്രഷറര്‍ മുഹമ്മദ് നജീബ് എന്നിവരെ തിരഞ്ഞെടുത്തു. ജമാഅത്ത് സെക്രട്ടറി ഹാരിസ് സ്വാഗതവും ഹാജി ശരീഫ് കുട്ടി നന്ദിയും പറഞ്ഞു.