ചാലിയം:  ഗവ. ഫിഷറീസ് എല്‍.പി സ്‌കൂള്‍ കുട്ടികള്‍ക്കായി നല്‍കുന്ന വാക്കര്‍ കൂളര്‍ സമര്‍പ്പണത്തിന്റെയും പഠനോപകരണ വിതരണത്തിന്റെയും ഉദ്ഘാടനം കോഴിക്കോട് ബ്ലോക്ക് പഞ്ചായത്തംഗം എന്‍.കെ ബിച്ചിക്കോയ നിര്‍വഹിച്ചു.
പി.ടി.എ പ്രസിഡന്റ് വി. ജമാല്‍ അധ്യക്ഷനായി. സ്‌കൂള്‍ പി.ടി.എയുടെ നേതൃത്വത്തില്‍ ജിദ്ദ ചാലിയം മഹല്ല് കമ്മിറ്റി, തലാല്‍ ഇന്റര്‍ നാഷനല്‍ സ്‌കൂള്‍, ജമാഅത്തെ ഇസ്‌ലാമി ചാലിയം ഹല്‍ഖ, മുന്‍ പ്രധാനാധ്യാപകനായ മൊയ്തീന്‍ മാസ്റ്റര്‍ എന്നിവരുടെ സഹായത്തോടെയാണ് പഠനോപകരണങ്ങള്‍ നല്‍കിയത്. ചാലിയം ബ്രെയിന്‍സ് കോളജ് പ്രിന്‍സിപ്പല്‍ എ. അഹമ്മദ് കോയ കുട്ടികള്‍ക്കായി വാട്ടര്‍കൂളര്‍ സമര്‍പ്പിച്ചു. ജിദ്ദ ചാലിയം മഹല്ല് കമ്മിറ്റിയംഗം സൈനു കൈത്തൊടി ബാഗും കടലുണ്ടി പഞ്ചായത്തംഗം ആയിശാ ബീവി കുടയും പി.ടി.എ അംഗം സി. ലത്തീഫ് വൃക്ഷത്തൈകളും വിതരണം ചെയ്തു. സി. നൗഫല്‍, അധ്യാപകരായ എ. അബ്ദുറഹീം, ഡബ്ല്യു. ജെസി, വി. നിഷ സംസാരിച്ചു.