കോഴിക്കോട്: കേരളത്തിന്റെ 60-ാം വാര്‍ഷികത്തോടനുബന്ധിച്ച് ലോകത്തെങ്ങുമുള്ള പ്രവാസികളെ ആദരിക്കുകയെന്ന ലക്ഷ്യത്തോടെ ജൂലൈ അവസാന വാരം കോഴിക്കോട്ട് ഹ്രസ്വ ചലച്ചിത്രോത്സവം സംഘടിപ്പിക്കുന്നു. 'പ്രവാസവും സിനിമയും' എന്ന പേരില്‍ പ്രവാസികള്‍ നിര്‍മിച്ച 'അറേബ്യന്‍ ഫ്രെയിംസ്' ഷോര്‍ട്ട് ഫിലിം ഫെസ്റ്റിവലിനൊപ്പം 'പ്രവാസം സിനിമയിലൂടെ' വിഷയത്തില്‍ സെമിനാറും കലാകാരന്മാരെ ആരിക്കുന്ന ചടങ്ങും നടക്കും. നോര്‍ക്ക, സാംസ്‌കാരിക വകുപ്പ്, ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ്, ജില്ലാ ടൂറിസം പ്രൊമോഷന്‍ കൗണ്‍സില്‍, ഫിലിം സൊസൈറ്റി എന്നിവയുടെ സഹകരണത്തോടെയാണ് ത്രിദിന പരിപാടി സംഘടിപ്പിക്കുന്നത്.