ന്യൂഡല്‍ഹി: ഉത്തര്‍പ്രദേശിലും അസം മാതൃകയില്‍ പൗരത്വ പട്ടിക കൊണ്ടുവരുമെന്ന് മുഖ്യമന്ത്രി യോഗി ആദിത്യനാഥ്. അസം മാതൃകയായെടുത്ത് ഘട്ടം ഘട്ടമായിട്ടായിരിക്കും പൗരത്വ പട്ടിക തയാറാക്കുക. ആദ്യഘട്ടം ഉടനുണ്ടാകുമെന്നും ആദിത്യനാഥ് പറഞ്ഞു.

അനധികൃത കുടിയേറ്റക്കാര്‍ പാവപ്പെട്ടവരുടെ അവകാശങ്ങള്‍ തട്ടിയെടുക്കുന്നത് അവസാനിപ്പിക്കാന്‍ സമയമായിട്ടുണ്ട്. അയോധ്യ ഭൂമി തര്‍ക്കത്തില്‍ സുപ്രിം കോടതി വിധി എന്തായാലും അതിനെ മാനിക്കുമെന്ന് ആദിത്യനാഥ് പറഞ്ഞു. കോടതിയില്‍ വിശ്വാസമുണ്ട്. ഇപ്പോള്‍ അയോധ്യയുടെ വികസനമാണ് തങ്ങളുടെ മുന്നിലുള്ള നടപടി. അത് നടപ്പാക്കി വരുന്നുണ്ടെന്നും ആദിത്യനാഥ് പറഞ്ഞു.