റിയാദ്: വിവിധയിടങ്ങളില്‍ കടകള്‍ കുത്തിത്തുറന്ന് കവര്‍ച്ച പതിവാക്കിയ മൂന്നംഗ ഇന്ത്യന്‍ സംഘത്തെ സഊദിയില്‍ പോലിസ് പിടികൂടി. റിയാദ് പ്രവിശ്യയിലെ സുല്‍ഫിയില്‍ നിന്നാണ് 30നും 40നുമിടയില്‍ പ്രായമുള്ള പ്രതികളെ പോലിസ് പിടികൂടിയത്. ഇവിടെ ഏതാനും സ്ഥാപനങ്ങളില്‍ ഇവര്‍ കവര്‍ച്ചകള്‍ നടത്തിയതായി കണ്ടെത്തിയിട്ടുണ്ട്. ഇന്ത്യക്കാരാണെന്നു വ്യക്തമാണെങ്കിലും ഇവര്‍ ഏതു സംസ്ഥാനക്കാരാണെന്നു വ്യക്തമല്ല. ചോദ്യം ചെയ്യലില്‍ പ്രതികള്‍ കുറ്റസമ്മതം നടത്തിയാതായി പോലിസ് അറിയിച്ചു. തുടര്‍ നടപടികള്‍ക്കായി പ്രതികള്‍ക്കെതിരായ കേസ് പബ്ലിക് പ്രോസിക്യൂഷന് കൈമാറിയതായി റിയാദ് പോലിസ് അറിയിച്ചു.