കോഴിക്കോട്: ജില്ലയില്‍ തിങ്കളാഴ്ച വൈകിട്ട് വരെ ഡെങ്കിപ്പനിയെന്ന് സംശയിക്കുന്ന 1822 കേസുകള്‍ റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫിസര്‍ ഡോ. ആശാദേവി അറിയിച്ചു. ഇതില്‍ 188 കേസുകളാണ് ഡെങ്കിയെന്ന് സ്ഥിരീകരിച്ചത്.
ഡെങ്കിപ്പനി കാരണം ഒരു മരണവും സ്ഥിരീകരിച്ചിട്ടുണ്ട്. കൂരാച്ചുണ്ട്, കൊളത്തൂര്‍, കാക്കൂര്‍ മേഖലകളിലാണ് പനിബാധിതര്‍ കൂടുതലുള്ളത്. കൂരാച്ചുണ്ടില്‍ മാത്രം 122 ഡെങ്കിപ്പനി കേസുകളാണ് സംശയാസ്പദമായി റിപ്പോര്‍ട്ട് ചെയ്യപ്പെട്ടതെന്നും ഡി.എം.ഒ അറിയിച്ചു.