തലശ്ശേരി: മുഴപ്പിലങ്ങാട് എഫ്.സി.ഐ ഗോഡൗണിന് സമീപം നിര്‍ത്തിയിട്ട 15 ലോറികളില്‍ നിന്ന് ഡീസല്‍ ഊറ്റിയതായി പരാതി.
തിങ്കളാഴ്ച അര്‍ധരാത്രിയാണ് ഡീസല്‍ മോഷണം പോയതെന്ന് ഉടമകള്‍ പരാതിപ്പെട്ടു. ഇന്നലെ രാവിലെയാണ് സംഭവം ശ്രദ്ധയില്‍പ്പെട്ടത്. ഇടക്കിടെ ഇവിടെ ദേശീയ പാതക്ക് സമീപം എഫ്.സി.ഐക്ക് മുന്നില്‍ നിര്‍ത്തിയിട്ട ലോറികളില്‍ നിന്ന് ഇന്ധനം നഷ്ടപ്പെടാറുണ്ടെന്ന് ഉടമകള്‍ പരാതിപ്പെട്ടു. പൊലിസില്‍ നിരവധി തവണ പരാതിപ്പെട്ടെങ്കിലും ഇതുവരെ യാതോരു നടപടിയും സ്വീകരിക്കാറില്ലെന്നും ഉടമകള്‍ പരാതിപ്പെട്ടു.
ടാങ്കിന്റെ പൂട്ടുകള്‍ പൊളിച്ചും പൈപ്പ് മുറിച്ചുമാണ് ഡീസല്‍ മോഷണം നടത്തുന്നത്. ധാന്യങ്ങള്‍ ലോഡ് ചെയ്യാന്‍ ഇവിടെ  അന്‍പതോളം ലോറികള്‍ ദിവസവും നിര്‍ത്തിയിടാറുണ്ട്.