കാബൂള്‍: അഫ്ഗാനിസ്താനിലെ സര്‍ക്കാര്‍ ഉദ്യോഗസ്ഥരെ ലക്ഷ്യമാക്കിയുള്ള ചാവേര്‍ ആക്രമണത്തില്‍ ഏഴ് പേര്‍ കൊല്ലപ്പെട്ടു. അഞ്ചുപേര്‍ക്ക് പരുക്കേറ്റു. രാജ്യത്തെ ഏറ്റവും വലിയ ജയിലുകളിലൊന്നായ കാബൂളിലെ പുലേ ചാര്‍ക്കി ജയിലിന് സമീപമാണ് ആക്രമണമുണ്ടായത്.
ബസില്‍ യാത്ര ചെയ്യുന്ന ഉദ്യോഗസ്ഥരെ ലക്ഷ്യമാക്കിയാണ് ആക്രമണമുണ്ടായതെന്ന് കാബൂള്‍ പൊലിസ് വക്താവ് ബാസിര്‍ മുജാഹിദ് പറഞ്ഞു. ആക്രമണത്തിന്റെ ഉത്തരവാദിത്വം ആരും ഇതുവരെ ഏറ്റെടുത്തിട്ടില്ല.
കാബൂളിലെ തെരഞ്ഞെടുപ്പ് കമ്മിഷന്‍ ഓഫിസിന് സമീപം കഴിഞ്ഞ ദിവസം ചാവേര്‍ ആക്രമണമുണ്ടായിരുന്നു. ഒരാള്‍ കൊല്ലപ്പെടുകയും ആറുപേര്‍ക്ക് പരുക്കേല്‍ക്കുകയും ചെയ്തിരുന്നു.