ന്യൂഡല്‍ഹി: ഇന്ദിരാഗാന്ധി ജീവിച്ചിരുന്നുവെങ്കില്‍ താന്‍ ഇന്ന് ഒരു കോണ്‍ഗ്രസുകാരനായി മാറുമായിരുന്നുവെന്ന് ബി.ജെ.പി എം.പി ശത്രുഘ്‌നന്‍ സിന്‍ഹ.
പ്രധാനമന്ത്രി നരേന്ദ്ര മോദിയേയും ബി.ജെ.പിയേയും നിരന്തരം വിമര്‍ശിക്കുന്ന അദ്ദേഹം താന്‍ പാര്‍ട്ടിയില്‍നിന്ന് സ്വയം രാജിവക്കില്ലെന്നും നേതൃത്വത്തിന് വേണമെങ്കില്‍ തന്നെ പുറത്താക്കാമെന്നും അദ്ദേഹം കൂട്ടിച്ചേര്‍ത്തു.
മോദിയുടെ ഊര്‍ജമല്ലാതെ അയാളില്‍ നിന്ന് മറ്റൊന്നും പഠിക്കാനില്ല.
രാവണനില്‍ നിന്ന് നമുക്ക് പലതും പഠിക്കാനുണ്ടാകുമല്ലോയെന്നും ശത്രുഘ്‌നന്‍ സിന്‍ഹ പറഞ്ഞു.
വാജ്‌പെയിയുടെ കാലത്ത് ബി.ജെ.പിക്ക് ഒരു നാടകീയ മുഖമായിരുന്നു ഉണ്ടായിരുന്നത്. അതില്‍ ജനങ്ങളെല്ലാം സന്തോഷിക്കുകയും ചെയ്തിരുന്നു.
എന്നാല്‍ മോദി ഏകാധിപതിയെപ്പോലെയാണ് പെരുമാറുന്നത്.
അതുകൊണ്ടാണല്ലോ അദ്ദേഹം ജനങ്ങളെ ദ്രോഹിക്കാനായി അര്‍ധരാത്രിയില്‍ നോട്ട് നിരോധനം ഏര്‍പ്പെടുത്തിയതെന്നും ശത്രുഘ്‌നന്‍ സിന്‍ഹ പറഞ്ഞു.