ശ്രീകണ്ഠപുരം: മണിപ്പൂര്‍ സര്‍ക്കാരിന്റെ വ്യാജ ഡ്രൈവിങ് ലൈസന്‍സ് നിര്‍മിച്ചതിനു കസ്റ്റഡിയിലെടുത്ത രണ്ടുപേരെ പൊലിസ് ജാമ്യത്തില്‍ വിട്ടയച്ചു. ശ്രീകണ്ഠപുരം സി.ഐ വി.വി ലതീഷാണ് ഇവരെ കസ്റ്റഡിയിലെടുത്തത്.
 കേളകം മലയില്‍ പുത്തന്‍പുരയില്‍ ജോര്‍ജുകുട്ടി(40), കേളകത്തെ അഞ്ജു ഡ്രൈവിങ് സ്‌കൂള്‍ നടത്തിപ്പുകാരന്‍ റോഷന്‍(25) എന്നിവരെയാണ് കഴിഞ്ഞ ദിവസം ശ്രീകണ്ഠപുരം പൊലിസ് കസ്റ്റഡിയിലെടുത്തത്.  വാഹനമോടിച്ച ജോര്‍ജുകുട്ടിയെ പരിശോധിച്ചപ്പോഴാണ് ലൈസന്‍സ് ലഭിച്ചത്. മണിപ്പൂര്‍ ലൈസന്‍സുമായി താരതമ്യം ചെയ്തു മാത്രമേ ഇവരില്‍ നിന്നു പിടികൂടിയ ലൈസന്‍സ് വ്യാജമാണെന്നു കണ്ടെത്താന്‍ കഴിയുകയുള്ളൂവെന്നു പൊലിസ് പറഞ്ഞു.