ഡര്‍ബന്‍: ഇംഗ്ലണ്ടിനെതിരായ ടി20 ക്രിക്കറ്റ് പരമ്പരയില്‍ ദക്ഷിണാഫ്രിക്കയെ എ.ബി ഡിവില്യേഴ്‌സ് തന്നെ നയിക്കും. ചാംപ്യന്‍സ് ട്രോഫിയില്‍ ആദ്യ റൗണ്ടില്‍ തന്നെ പുറത്തായ സാഹചര്യത്തില്‍ താരത്തെ ക്യാപ്റ്റന്‍സിയില്‍ നിന്ന് പുറത്താക്കുമെന്ന് അഭ്യൂഹമുണ്ടായിരുന്നു. എന്നാല്‍ താരം തുടരുമെന്ന് ക്രിക്കറ്റ് ദക്ഷിണാഫ്രിക്ക വ്യക്തമാക്കുകയായിരുന്നു.
ജൂണ്‍ 21നാണ് ഇംഗ്ലണ്ടിനെതിരായ പരമ്പര തുടങ്ങുക. മൂന്നു മത്സരങ്ങളാണ് ഉള്ളത്. ചാംപ്യന്‍സ് ട്രോഫിയില്‍ ടീമിന്റെ പ്രകടനത്തില്‍ ഡിവില്യേഴ്‌സിനെതിരേ കടുത്ത വിമര്‍ശനമുയര്‍ന്നിരുന്നു.