ബംഗളൂരു: ഐ.എസ്.ആര്‍.ഒ ചാരക്കേസില്‍ ആരോപണ വിധേയനായ സുധീര്‍ കുമാര്‍ ശര്‍മ (62)അന്തരിച്ചു. അര്‍ബുദത്തെ തുടര്‍ന്ന് ദീര്‍ഘനാളായി ചികിത്സയിലായിരുന്നു. വ്യാഴാഴ്ച പുലര്‍ച്ചെ സ്വകാര്യ ആശുപത്രിയില്‍ വെച്ചായിരുന്നു അന്ത്യം.

മൃതദേഹം രാവിലെ ഒമ്പതു മുതല്‍ രണ്ടു മണിവരെ ബംഗളൂരു ഇന്ദിര നഗറിലെ വസതിയില്‍ പൊതുദര്‍ശനത്തിന് വെക്കും. ഭാര്യയും  മൂന്നു പെണ്‍മക്കളുമടങ്ങുന്നതാണ് കുടുംബം. നമ്പി നാരായണന്റെ പോരാട്ടം സുപ്രിം കോടതിയില്‍ വിജയം കണ്ടതോടെ അദ്ദേഹവും പ്രതീക്ഷയിലായിരുന്നു. 20 വര്‍ഷമായി ഐ.എസ്.ആര്‍. കേസിനെതിരെ നിയമപോരാട്ടത്തിലായിരുന്നു ബംഗളൂരുവിലെ തൊഴിലാളി കരാറുകാരനായ ശര്‍മ. കേസില്‍ പെട്ടതോടെ സാമ്പത്തികമായും മാനസികമായും ഇദ്ദേഹം തകര്‍ന്നിരുന്നു.