കൊല്‍ക്കത്ത: സ്വപന്‍ സദന്‍ ബോസ് മോഹന്‍ ബഗാന്റെ പ്രസിഡന്റ് സ്ഥാനമൊഴിഞ്ഞു. ആരോഗ്യ മോശമായതിനെ തുടര്‍ന്നാണ് സ്ഥാനമൊഴിഞ്ഞതെന്ന് അദ്ദേഹം വ്യക്തമാക്കി. ഇതുസംബന്ധിച്ച് അദ്ദേഹം എക്‌സിക്യൂട്ടീവ് കമ്മിറ്റി കത്തയക്കുകയും ചെയ്തു.
അതേസമയം ജനറല്‍ സെക്രട്ടറി അന്‍ജാന്‍ മിത്രയും അനാരോഗ്യത്തെ തുടര്‍ന്ന് സ്ഥാനമൊഴിയുമെന്ന് സൂചനയുണ്ട്. ഐ.എസ്.എല്ലുമായി ലയിക്കുന്നതിലുള്ള തര്‍ക്കത്തില്‍ പരാജയപ്പെട്ടതിന് പിന്നാലെ മറ്റ് പ്രതിസന്ധികള്‍ ക്ലബിനെ കാത്തിരിക്കുന്നുണ്ടെന്ന് സദന്‍ ബോസിന്റെ സ്ഥാനമൊഴിയല്‍ സൂചിപ്പിക്കുന്നത്.