കോഴിക്കോട്: 'സുകൃതത്തിന്റെ വചനപ്പൊരുള്‍' എന്ന സന്ദേശവുമായി എസ്.കെ.എസ്.എസ്.എഫ് സംസ്ഥാന വ്യാപകമായി സംഘടിപ്പിക്കുന്ന കാംപയിനിന്റെ ഭാഗമായി ഖുര്‍ആന്‍ മെഗാ ക്വിസ് 'വചനപ്പൊരുള്‍ 17' ജൂണ്‍ 18ന് ഞായറാഴ്ച കോഴിക്കോട് നടക്കും. മുന്‍കൂട്ടി പേര് രജിസ്റ്റര്‍ ചെയ്തവര്‍ക്കുള്ള സംസ്ഥാനതല മത്സരം കാലത്ത് 9.30ന് സുപ്രഭാതം ഓഡിറ്റോറിയത്തിലാണ് നടക്കുക. ഖുര്‍ആന്‍ അടിസ്ഥാനമാക്കിയുള്ള വിഷ്വല്‍, ഇന്‍ഫര്‍മേഷന്‍, ശാസ്ത്രം, ചരിത്രം, എന്നീ ഗാലറികളില്‍ നിന്നുള്ള ചോദ്യങ്ങളാണ് മത്സരത്തില്‍ ഉണ്ടാവുക. രണ്ട് പ്രാഥമിക മത്സരങ്ങള്‍ക്ക്് ശേഷം അവസാന റൗണ്ടില്‍ ഒന്നാം സ്ഥാനം ലഭിക്കുന്ന വിജയിക്ക് സൗജന്യ ഉംറ യാത്രയാണ് സമ്മാനമായി നിശ്ചയിച്ചിട്ടുള്ളത്. ഫ്‌ളൈഹിന്ദ് ടൂര്‍സ് ആന്‍ഡ് ട്രാവല്‍സാണ് യാത്ര വാഗ്ദാനം ചെയ്തിട്ടുള്ളത്. എസ്.വി മുഹമ്മദലി മത്സരത്തിന് നേതൃത്വം നല്‍കും.