പെരുവള്ളൂര്‍: കൂമണ്ണ ചെനക്കല്‍ യൂത്ത് ലീഗ് സംഘടിപ്പിച്ച ഭാഷാ സമര അനുസ്മരണവും ഇഫ്താര്‍ മീറ്റും യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്തു. ചടങ്ങില്‍ യു.പി അമീര്‍ അധ്യക്ഷനായി. ദുആ മജ്‌ലിസിന് കെ.ടി മുഹമ്മദലി ശിഹാബ് ഫൈസി നേതൃത്വം നല്‍കി. ശരീഫ് കുറ്റൂര്‍ അനുസ്മരണ പ്രഭാഷണം നടത്തി. എസ്.എസ്.എല്‍.സി, പ്ലസ്.ടു പരീക്ഷകളില്‍ ഉന്നത വിജയം നേടിയ വിദ്യാര്‍ഥികളെ ചടങ്ങില്‍ വെച്ച് ആദരിച്ചു. കെ കലാം മാസ്റ്റര്‍, ഇ അഹമ്മദ് ഫൈസി, ഇസ്മായില്‍ കാവുങ്ങല്‍, ശിബാബ്, യു.പി ഹുസ്സൈന്‍, കെ.ടി മുജീബ്, യു.പി അലി, ഇ മുഹമ്മദ് ഹസ്സന്‍, വിശ്വന്‍, കെ.ടി ഹസ്സന്‍, പി.പി ആബിദ്, രാഹുല്‍, കെ റഈസ് സംസാരിച്ചു.