മഞ്ചേരി: കോര്‍പ്പറേറ്റ്‌വല്‍ക്കരണം നാടിനു ആപത്താണെന്നും രാജ്യത്തെ പൊതുമേഖല സ്ഥാപനങ്ങാളായ റെയില്‍വേ, ബി.എസ്.എന്‍.എല്‍, പോസ്റ്റല്‍ തുടങ്ങിയ വിഭാഗങ്ങളെയെല്ലാം കോര്‍പ്പറേറ്റ് വല്‍ക്കരിക്കാനുള്ള നീക്കമാണ് ബി.ജെ.പി ഗവ. നടത്തുന്നതെന്നും മുഖ്യമന്ത്രി പിണറായി വിജയന്‍ പറഞ്ഞു. ദേശീയ തപാല്‍ ജീവനക്കാരുടെ സംഘടനയായ എന്‍.എഫ്.പി.ഇ മഞ്ചേരി ഡിവിഷന്‍ ആസ്ഥാന മന്ദിരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പി.കെ മുരളീധരന്‍ അധ്യക്ഷനായി.കെ.ജി ബോസിന്റെ ഛായാചിത്രം എ. വിജയരാഘവന്‍ അനാഛാദനം ചെയ്തു. ടി.കെ ഹംസ, വി.ശശികുമാര്‍, വേലായുധന്‍ വള്ളിക്കുന്ന്, പി.വി രാജേന്ദ്രന്‍, എം.കുമാരന്‍ നമ്പ്യാര്‍, കെ.മോഹനന്‍, സി.ലില്ലി, എ.കെ കൃഷ്ണ പ്രദീപ്, എം.തോമസ് സംസാരിച്ചു.