-634 റിയാല്‍ മുതലാണ് പുതിയ ടിക്കറ്റ് നിരക്ക്

ജിദ്ദ: അടുത്ത മാസം 16 മുതല്‍ റിയാദില്‍ നിന്നും കോഴിക്കോട്ടേക്കു ആരംഭിക്കുന്ന സഊദിയിലെ ഫ്ലൈനാസ് നിരക്കുകള്‍ പ്രഖ്യാപിച്ചു. 634 റിയാല്‍ മുതലാണ് പുതിയ ടിക്കറ്റ് നിരക്ക്. നിലവില്‍ സഊദിയില്‍ ഏറ്റവും കുറഞ്ഞ നിരക്കില്‍ സര്‍വീസ് നടത്തുന്ന വിമാന കമ്പനിയാണ് ഫലൈനാസ്.
റിയാദില്‍ നിന്നും അടുത്ത മാസം 16 മുതലാണ് കോഴിക്കോട്ടേക്ക് സര്‍വീസ്. ആഴ്ചയില്‍ മൂന്ന് ദിനം സര്‍വീസുകളുണ്ടാകും. തിങ്കള്‍, ബുധന്‍, വെള്ളി ദിവസങ്ങളിലായിരിക്കും സര്‍വീസ്. . പുലര്‍ച്ചെ 12.50 ന് റിയാദില്‍ നിന്നും പുറപ്പെടുന്ന വിമാനം രാവിലെ 8.35 ന് കരിപ്പൂരിലെത്തും. 9.25 ന് തിരിച്ച് പുറപ്പെട്ട് 12 ന് റിയാദിലെത്തും.
ജിദ്ദ, ദമ്മാം എന്നിവിടങ്ങളിലേക്ക് കണക്ഷന്‍ ഫ്ലൈറ്റുകളുമുണ്ട്.കോഴിക്കോട്ടേക്കുള്ള ടിക്കറ്റുകള്‍ക്ക് നേരത്തെ തന്നെ ബുക്കിങ് ആരംഭിച്ചിരുന്നു.
ആദ്യം 545 റിയാലിന് വരെ ലഭ്യമായിരുന്ന ടിക്കറ്റുകള്‍ ഇപ്പോള്‍ 634 റിയാലിന് ലഭ്യമാണ്. 20 കിലോയാണ് സൗജന്യമായി കൊണ്ടുപോകാവുന്ന ബാഗേജ്. നിശ്ചിത സംഖ്യയടച്ചാല്‍ 30ഉം 40ഉം കിലോ കൊണ്ടു പോകാം.
നിലവില്‍ കരൂപ്പൂരിലേക്ക് സഊദി എയര്‍ലൈന്‍സും, എയര്‍ ഇന്ത്യാ എക്സ്പ്രസും, എയര്‍ ഇന്ത്യയുടെ കണക്ഷന്‍ സര്‍വീസുമുണ്ട്. ഇടക്ക് ഫ്ലൈ ദുബൈയും സര്‍വീസ് നടത്തുന്നു.
എയര്‍ ഇന്ത്യാ എക്സ്പ്രസിന് സമാനമാണ് ഫ്ലൈ നാസിന്റെ നിരക്കുകള്‍. ഇതോടെ കരിപ്പൂര്‍ സെക്ടറില്‍ മത്സരം മുറുകും. ഓഫറുകളുടെ കാര്യത്തില്‍ മുന്‍പന്തിയില്‍ നില്‍ക്കുന്ന ഫ്ലൈനാസിന്റെ സര്‍വീസ് പ്രവാസികള്‍ക്ക് മുതല്‍ക്കൂട്ടുമാകും.