വേങ്ങര:  ഇരുമ്പുചോല എ.യു.പി സ്‌കൂളില്‍ വിദ്യാര്‍ഥികള്‍ക്ക് ഇനി ഉച്ചഭക്ഷണം മാത്രമല്ല, 'പത്തു മണി'ക്കഞ്ഞിയും വിദ്യാര്‍ഥികള്‍ക്ക് ലഭ്യമാക്കും. മദ്‌റസ കഴിഞ്ഞ് വീട്ടില്‍ പോയി ഭക്ഷണംകഴിച്ചു വരാന്‍ സാധിക്കാത്ത  വിദ്യാര്‍ഥികള്‍ക്കാണ് സ്‌കൂളിന്റെ ചെലവില്‍ പത്തുമണിക്ക് കഞ്ഞി നല്‍കുന്നത്. പദ്ധതി എ.ആര്‍ നഗര്‍ പഞ്ചായത്ത്  പ്രസിഡന്റ്  കുപ്പേരി സുബൈദ ഉദ്ഘാടനം ചെയ്തു. പ്രധാനാധ്യാപകന്‍ പി.കെ അബ്ദുറസാഖ് അധ്യക്ഷനായി. മനേജര്‍ വി കുഞ്ഞിമോന്‍, പി.ടി.എ പ്രസിഡന്റ് പി ഹനീഫ, പഞ്ചായത്തംഗം പി കുഞ്ഞിമുഹമ്മദ്, കെ ലിയാക്കത്ത്, എം പോക്കര്‍, സി ശ്രീനിവാസന്‍, പി ഇസ്മായീല്‍, പി ഇര്‍ഷാദ്, ടി ഷാഹുല്‍  ഹമീദ് സംസാരിച്ചു.