കോഴിക്കോട്: 'ഐ.എസ് സലഫിസം, ഫാഷിസം' പ്രമേയത്തില്‍ സുന്നി യുവജന സംഘം സംസ്ഥാന കമ്മിറ്റി നടത്തുന്ന ത്രൈമാസ കാംപയിനിന്റെ ഉദ്ഘാടനം ആറിന് രാവിലെ 10ന് കോഴിക്കോട് കെ.പി കേശവമേനോന്‍ ഹാളില്‍ നടക്കും. സയ്യിദ് ജിഫ്രി മുത്തുക്കോയ തങ്ങള്‍ അധ്യക്ഷനാകും. പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. കോട്ടുമല ടി.എം ബാപ്പു മുസ്‌ലിയാര്‍ മുഖ്യപ്രഭാഷണം നടത്തും. അബ്ദുല്‍ ഹമീദ് ഫൈസി അമ്പലക്കടവ് (ഐ.എസും വര്‍ത്തമാനകാല സാഹചര്യവും), റഹ്മത്തുല്ലാഹ് ഖാസിമി മൂത്തേടം (സലഫിസം ഇസ്‌ലാമിന്റെ വികൃതമുഖം), പിണങ്ങോട് അബൂബക്കര്‍ (വിഘടനം ഒരു സാമൂഹിക വിപത്ത് ), അബ്ദുസ്സമദ് പൂക്കോട്ടൂര്‍ (ഫാസിസം ഉയര്‍ത്തുന്ന വെല്ലുവിളികള്‍), നാസര്‍ ഫൈസി കൂടത്തായി (തീവ്രവാദം എന്തുകൊണ്ട് എതിര്‍ക്കപ്പെടുന്നു) എന്നീ പ്രബന്ധങ്ങള്‍ അവതരിപ്പിക്കും.
പരിപാടി വിജയിപ്പിക്കണമെന്ന് എസ്.വൈ.എസ് ജില്ലാ പ്രവര്‍ത്തക സമിതിയോഗം അഭ്യര്‍ഥിച്ചു. കാംപയിനിന്റെ ഭാഗമായി ജില്ലാതല മതേതര സംഗമം 27ന് വൈകിട്ട് മൂന്നിന് വടകര ടൗണ്‍ ഹാളില്‍ നടക്കും. മണ്ഡലം തലങ്ങളില്‍ മതേതര സംഗമങ്ങളും ശാഖാ തലങ്ങളില്‍ പ്രമേയ പ്രഭാഷണങ്ങളും മഹല്ല്തല കുടുംബസംഗമങ്ങളും നടത്താനും യോഗം തീരുമാനിച്ചു. പുതിയ ജില്ലാ കൗണ്‍സില്‍ മീറ്റ് സെപ്റ്റംബര്‍ 17ന് നടക്കും.
യോഗത്തില്‍ സി.എച്ച് മഹ്മൂദ് സഅദി അധ്യക്ഷനായി. കെ. മോയിന്‍കുട്ടി മാസ്റ്റര്‍ ഉദ്ഘാടനം ചെയ്തു. സൈനുല്‍ ആബിദീന്‍ തങ്ങള്‍, സലാം ഫൈസി മുക്കം, പി. ഹസൈനാര്‍ ഫൈസി, ടി.കെ ഇമ്പിച്ചി അമ്മദ് ഹാജി മുഹമ്മദ് പടിഞ്ഞാറത്തറ, ഇമ്പിച്ചിക്കോയ ഹാജി, നടുക്കണ്ടി അബൂബക്കര്‍, പി.എം കോയ മുസ്‌ലിയാര്‍, അബു ഹാജി രാമനാട്ടുകര, കെ.എന്‍.എസ് മൗലവി, കെ.പി.സി ഇബ്‌റാഹിം, കെ. അബ്ദുല്ലത്തീഫ് മാസ്റ്റര്‍, യൂസുഫ് ഫൈസി വെണ്ണക്കോട്, ബഷീര്‍ ദാരിമി കൊയിലാണ്ടി, കണ്ണോത്ത് സൂപ്പി ഹാജി, സിദ്ദീഖ് വെള്ളിയോട്, കെ.എം.എ റഹ്മാന്‍ സംസാരിച്ചു. നാസര്‍ ഫൈസി കൂടത്തായി സ്വാഗതവും അഷ്‌റഫ് ബാഖവി ചാലിയം നന്ദിയും പറഞ്ഞു.