കോഴിക്കോട്: 19ന് കോഴിക്കോട്ട് നടക്കുന്ന കേരള പത്രപ്രവര്‍ത്തക യൂനിയന്‍ 55ാം സംസ്ഥാന സമ്മേളനത്തോടനുബന്ധിച്ച് തയാറാക്കിയ ടീസര്‍ വ്യവസായ മന്ത്രി ഇ.പി ജയരാജന്‍ പുറത്തിറക്കി.
മാധ്യമങ്ങളുടെ പ്രതിസന്ധി നേരിടുന്ന കാലത്ത് അതിനെ അതിജീവിക്കാനാവശ്യമായ ചര്‍ച്ചകളും പരിഹാരങ്ങളും സമ്മേളനത്തില്‍ ഉയരണമെന്നും ഇത് മാധ്യമപ്രവര്‍ത്തകരെ കൂടുതല്‍ കരുത്തുറ്റവരാക്കുമെന്നും അദ്ദേഹം പറഞ്ഞു. ജില്ലാ സെക്രട്ടറി പി. വിപുല്‍നാഥ്, സ്വാഗതസംഘം കണ്‍വീനര്‍മാരായ പി.വി. കുട്ടന്‍, കെ. മധുസൂദനന്‍കര്‍ത്ത, ജില്ലാ എക്‌സിക്യൂട്ടീവ് അംഗം എ.സി. നസീര്‍ബാബു, അഭിലാഷ് മോഹന്‍ദാസ്, രോഹിത് സംബന്ധിച്ചു.