പയ്യോളി:  ലാസ്റ്റ് ഗ്രേഡ് പരീക്ഷക്ക് ഡിഗ്രി യോഗ്യതയുള്ളവര്‍ക്ക് അപേക്ഷിക്കാന്‍ സാധ്യമല്ലെന്ന തീരുമാനത്തില്‍ കേരള  അഡ്മിനിസ്‌ട്രേറ്റിവ് ട്രൈബ്യൂണല്‍ കേരള പബ്ലിക് സര്‍വിസ് കമ്മിഷനോടും  ചീഫ്  സെക്രട്ടറിയോടും റിപ്പോര്‍ട്ട് തേടി.
 ലാസ്റ്റ് ഗ്രേഡ് പരീക്ഷക്ക് അപേക്ഷിക്കാനുള്ള അവസാന തിയതി  ഇന്ന് അവസാനിക്കുകയാണ്. ഓണ്‍ലൈനില്‍ അപേക്ഷ സമര്‍പ്പിക്കാന്‍ ശ്രമിക്കുമ്പോഴാണ് പി.എസ്.സിയുടെ  പുതിയ തീരുമാനം ഉദ്യോഗാര്‍ഥികള്‍ അറിയുന്നത്. ഡിഗ്രിയുള്ളവര്‍ക്ക് ലാസ്റ്റ് ഗ്രേഡ് പരീക്ഷക്ക്  അപേക്ഷിക്കാന്‍ സാധ്യമല്ലെന്ന അറിയിപ്പുള്ള ആദ്യത്തെ  പരീക്ഷയാണിത്. ഇതിനെതിരേ ചേര്‍ത്തല സ്വദേശി  പി.ആര്‍ അനുരാജാണ് ഹരജി നല്‍കിയത്.  ഒരു മാസത്തിനകം റിപ്പോര്‍ട്ട് നല്‍കാനാണ് ജസ്റ്റിസ് ടി.ആര്‍ രാമചന്ദ്രന്‍ നായര്‍ ഉത്തരവിട്ടത്‌