തിരുവനന്തപുരം: കഴിഞ്ഞ ദിവസം പിരിച്ചു വിട്ട എം പാനല്‍ ജീവനക്കാരെ തിരിച്ചെടുക്കില്ലെന്ന് കെ.എസ്.ആര്‍.ടി.സി എം.ഡി  രാജമാണിക്യം. പിരിച്ചുവിട്ട ജീവനക്കാര്‍ എം പാനല്‍ ലിസ്റ്റില്‍ തന്നെയുണ്ടാകും. എന്നാല്‍, ജോലിക്കു വരേണ്ടതില്ല. കെ.എസ്.ആര്‍.ടി.സി വീണ്ടും ബസ് ബോഡി നിര്‍മാണം ആരംഭിക്കുന്ന മുറയ്ക്ക് ഇവരെ ജോലിക്കു വിളിക്കും. അല്ലാതെ വെറുതേയിരുന്ന് ശമ്പളം വാങ്ങാന്‍ അനുവദിക്കില്ലെന്നും അദ്ദേഹം പറഞ്ഞു. ഗതാഗതമന്ത്രിയും ജീവനക്കാരും തമ്മില്‍ നടന്ന ചര്‍ച്ചക്കിടെയാണ് എം.ഡി ഇക്കാര്യം അറിയിച്ചത്.