കോട്ടയം: ജോസ് കെ.മാണിയുമായി ഇടഞ്ഞ് നിന്നിരുന്ന പാലാ നഗരസഭ വൈസ് ചെയര്‍മാന്‍ കുര്യാക്കോസ് പടവന്‍ പി.ജെ ജോസഫ് വിഭാഗത്തിനൊപ്പം ചേര്‍ന്നു. പാലാ ഉപതെരഞ്ഞെടുപ്പിന് ദിവസങ്ങള്‍ മാത്രം ബാക്കി നില്‍ക്കെയുണ്ടായ ഈ രാജി ജോസ് കെ.മാണി വിഭാഗത്തിന് കനത്ത തിരിച്ചടിയായി.
പാര്‍ട്ടിയില്‍ നിന്നും തന്നെ ഒതുക്കാന്‍ ജോസ് കെ.മാണി ശ്രമിച്ചെന്നാരോപിച്ചാണ് കൂര്യാക്കോസ് മറുകണ്ടം ചാടിയത്. ജോസഫിന്റെ നിലപാടാണ് ശരി. യഥാര്‍ഥ കേരള കോണ്‍ഗ്രസ് പാര്‍ട്ടിയില്‍ നില്‍ക്കുന്ന എല്ലാവരേയും താന്‍ അംഗീകരിക്കും, കുര്യാക്കോസ് പറയുന്നു. പി.ജെ ജോസഫ് ആവശ്യപ്പെട്ടാല്‍ മാത്രം വൈസ് ചെയര്‍മാന്‍ സ്ഥാനം രാജിവെക്കുമെന്നും കുര്യാക്കോസ് പറഞ്ഞു.