പാലാ: പുതിയ പവര്‍ഗ്രിഡ് പദ്ധതിയില്‍ അഴിമതി ആരോപിച്ച രമേശ് ചെന്നിത്തലക്ക് മന്ത്രി എം.എം മണിയുടെ മറുപടി. പ്രതിപക്ഷ നേതാവ് ഉത്തരവാദിത്വ ബോധം കാണിക്കണമെന്നും പാലപ്പേടിയുടെ അങ്കലാപ്പിന് മരുന്നു വേറെ കൊടുക്കണമെന്നും മന്ത്രി മണി പറഞ്ഞു. എന്തെങ്കിലും ആക്ഷേപം ഉണ്ടെങ്കില്‍ രേഖാമൂലം പരാതി നല്‍കുകയാണ് ചെന്നിത്തല ചെയ്യേണ്ടത്. ചാനലില്‍ക്കിടന്ന് വായിട്ടലക്കുകയല്ലെന്നും മന്ത്രി പറഞ്ഞു.

പ്രസരണ വിതരണ രംഗത്തെ ശക്തിപ്പെടുത്താനുള്ള പുതിയ സാങ്കേതിക വിദ്യയാണ് പവര്‍ഗ്രിഡ്. ഇതിന്റെ കണക്കുകളെല്ലാം കൃത്യമാണ്. ഓഡിറ്റിന് വിധേയവുമാണ്. പാലായില്‍ എല്‍.ഡി.എഫ് സ്ഥാനാര്‍ഥി മാണി സി.കാപ്പന്‍ വിജയിക്കാന്‍ പോകുന്നു. അതിന്റെ അങ്കലാപ്പാണ് ചെന്നിത്തലയ്ക്ക്. അത് കൊണ്ടാണ് ഇത്തരം ആരോപണങ്ങളുന്നയിക്കുന്നതെന്നും മന്ത്രി പറഞ്ഞു.