പേരാമ്പ്ര: അന്യം നിന്നു പൊയ്‌ക്കൊണ്ടിരിക്കുന്ന നാട്ടുമാവിന്റെ പ്രാധാന്യം ഉള്‍ക്കൊണ്ട് 'നാടറിയാന്‍ നാട്ടുമാവ് ' പദ്ധതിയുമായി പടത്തുകടവ് ഹോളി ഫാമിലി യു.പി സ്‌കൂള്‍.
കുട്ടികളിലൂടെ നാട്ടുമാവിന്‍ വിത്തും തൈകളും വീടുകളിലെത്തിച്ച് നട്ടു വളര്‍ത്തുന്ന പരിപാടിക്കു നേതൃത്വം നല്‍കുന്നത് സ്‌കൂള്‍ നാച്വറല്‍ ക്ലബാണ്. വിത്തിന്റെയും തൈകളുടേയും വിതരണോദ്ഘാടനം ചങ്ങരോത്ത് പഞ്ചായത്ത് വാര്‍ഡ് മെംബര്‍ ലീല കക്കുടുമ്പില്‍ നിര്‍വഹിച്ചു. പ്രധാനാദ്ധ്യാപകന്‍ ടി.ജെ കുര്യാച്ചന്‍ അധ്യക്ഷനായി. നാച്ച്വറല്‍ ക്ലബ് കണ്‍വീനര്‍ സി. ആല്‍ഫിന്‍ നേതൃത്വം നല്‍കി.