പേരാമ്പ്ര: ചെമ്പ്ര ചക്കിട്ടപാറ റോഡില്‍ വാഹനങ്ങള്‍ക്കും യാത്രക്കാര്‍ക്കും അപകട ഭീഷണി ഉയര്‍ത്തി ഗര്‍ത്തം രൂപപ്പെട്ടു. മാപ്പിളക്കുന്നേല്‍പടി ഭാഗത്താണിത്.
അറ്റകുറ്റപ്പണി നടത്താത്തതിനാല്‍ ചെമ്പ്ര മുതല്‍ പെരുവണ്ണാമൂഴി വരെ ആകെ തകര്‍ന്നു കിടക്കുന്നതിനിടയിലാണ് റോഡില്‍ ഗര്‍ത്തവും രൂപപ്പെട്ടത്. വാഹനങ്ങള്‍ ഇതില്‍ വീണു അപകടത്തില്‍ പെടാതിരിക്കാന്‍ നാട്ടുകാര്‍ ഗര്‍ത്തത്തില്‍ മരക്കൊമ്പ് സ്ഥാപിച്ചിരിക്കുകയാണ്. പി.ഡബ്ല്യു.ഡി. പേരാമ്പ്ര അസി.എഞ്ചിനീയറുടെ പരിധിയില്‍ പെടുന്ന റോഡ് ഭാഗമാണിത്.
ഗര്‍ത്ത ഭാഗവും കണ്ടും കുഴിയുമായി കിടക്കുന്ന റോഡും ഉടന്‍ ഗതാഗത യോഗ്യമാക്കണമെന്നു നാട്ടുകാര്‍ ആവശ്യമുയര്‍ത്തുകയാണ്.