ഗൂഡല്ലൂര്‍: മാവോയിസ്റ്റ് ഭീഷണിയെ തുടര്‍ന്ന് മലപ്പുറം ജില്ലയിലെ നിലമ്പൂര്‍ വനമേഖലയോട് ചേര്‍ന്നു കിടക്കുന്ന ഗൂഡല്ലൂര്‍ താലൂക്കിലെ ഓവാലി പഞ്ചായത്തിലെ ആദിവാസി ഗ്രാമങ്ങളില്‍ തമിഴ്‌നാട് ദൗത്യസേന തിരച്ചില്‍ നടത്തി.
ഓവാലി പഞ്ചായത്തിലെ ന്യൂ ഹോപ്പിന്നടുത്ത ഗ്ലന്‍മെന്‍സ് മുതല്‍ പുലിക്കുന്ത, സീ ഫോര്‍ത്ത്, അമ്പിളിമല തുടങ്ങിയ ആദിവാസി കോളനികളിള്‍ കേന്ദ്രീകരിച്ചാണ് ദൗത്യസേനാ മേധാവി മുരുകേശന്റെ നേതൃത്വത്തില്‍ തിരച്ചില്‍ നടത്തിയത്.
അതിര്‍ത്തി പ്രദേശമായ മലപ്പുറം-നിലമ്പൂര്‍, വയനാട് എന്നിവിടങ്ങളില്‍ മാവോയിസ്റ്റ് സാന്നിധ്യം റിപ്പോര്‍ട്ട് ചെയ്യപ്പെട്ടതിന്റെ അടിസ്ഥാനത്തിലായിരുന്നു തിരച്ചില്‍.
അപരിചിതര്‍ കോളനിയില്‍ എത്തിയാല്‍ പൊലിസിനെ വിവരമറിയിക്കണമെന്ന് കോളനിക്കാര്‍ക്ക് നിര്‍ദേശം നല്‍കിയിട്ടുണ്ട്.