ലണ്ടന്‍: അടുത്ത വര്‍ഷം നടക്കുന്ന ടി20 ലോകകപ്പിനുള്ള ഇംഗ്ലണ്ട് ടീമിനെ നിലവിലെ ടീം നായകന്‍ ഇയോന്‍ മോര്‍ഗന്‍ തന്നെ നയിക്കുമെന്ന് ഇംഗ്ലണ്ട് ദേശീയ ടീം മാനേജിങ് ഡയരക്ടര്‍ ആഷ്‌ലി ഗൈല്‍സ്.
ഈ വര്‍ഷം നാട്ടില്‍ നടന്ന ഏകദിന ലോകകപ്പില്‍ ഇംഗ്ലണ്ടിനെ കിരീടത്തിലേക്ക് നയിച്ചതോടെയാണ് താരം തന്നെ ടീമിനെ നയിക്കുമെന്ന് ഇദ്ദേഹം അവകാശപ്പെട്ടത്. കിരീടം സമ്മാനിച്ചതിനു പിന്നാലെ ഇയോന്‍ മോര്‍ഗന്‍ ടീമിന്റെ ക്യാപ്റ്റന്‍ സ്ഥാനത്ത് നിന്ന് മാറാന്‍ പോവുകയാണെന്ന് നേരത്തെ അഭ്യൂഹങ്ങളുണ്ടായിരുന്നു. ഇതേ തുടര്‍ന്നാണ് എം.ഡിയുടെ പ്രസ്താവന.