കൊഹിമ: അനധികൃത സ്വത്ത് സമ്പാദനവുമായി ബന്ധപ്പെട്ട് പൊലിസ് അന്വേഷണം തുടങ്ങിയതോടെ നാഗാലാന്‍ഡ് മുന്‍ അഡീഷനല്‍ പൊലിസ് സൂപ്രണ്ട് എം.കെ.ആര്‍ പിള്ളയെ നാഗാലാന്‍ഡ് ഗതാഗത കണ്‍സള്‍ട്ടന്റ് സ്ഥാനത്തു നിന്ന് നീക്കി. ഇന്നലെയാണ് അദ്ദേഹത്തെ നീക്കികൊണ്ട് സര്‍ക്കാര്‍ ഉത്തരവിട്ടത്.
പിള്ളക്കെതിരേ അനധികൃത സ്വത്ത് സമ്പാദനവുമായി ബന്ധപ്പെട്ട് അന്വേഷണം തുടങ്ങിയതോടെ ദേശീയ മാധ്യമങ്ങള്‍ പോലും ഇത് വലിയ വാര്‍ത്തയാക്കി. തുടര്‍ന്നാണ് അദ്ദേഹത്തെ തല്‍സ്ഥാനത്തുനിന്ന് നീക്കാന്‍ സര്‍ക്കാര്‍ തീരുമാനിച്ചതെന്ന് നാഗാലാന്‍ഡ് ഡി.ജി.പി എല്‍.എല്‍ ദുംഗല്‍ പറഞ്ഞു.