വര്‍ക്കല:  വര്‍ക്കല മലയാള സാംസ്‌കാരിക വേദിയുടെ എട്ടാം വാര്‍ഷികവും നാലാമത് മലയാളി രത്‌ന, ഗ്രാമകീര്‍ത്തി പുരസ്‌കാര സമര്‍പ്പണവും ബുധനാഴ്ച രാവിലെ 10.30ന് വര്‍ക്കല ടൗണ്‍ ഹാളില്‍ നടക്കും.
ഡോ. ഡി.ബാബുബോള്‍ ഉദ്ഘാടനവും പുരസ്‌കാര സമര്‍പ്പണവും നിര്‍വഹിക്കും. എം.എല്‍.എമാരായ കെ.മുരളീധരന്‍, മുല്ലക്കര രത്‌നാകരന്‍, ജസ്റ്റിസ് ഡി. ശ്രീദേവി, ജി.വേണുഗോപാല്‍, സി.എല്‍ തോമസ്, ഡോ. ഷാഹുല്‍ ഹമീദ്, ഡോ. അന്‍വര്‍ അബ്ബാസ്, എസ്.കമറുദ്ദീന്‍, കെ.ടി.എ മുനീര്‍ എന്നിവര്‍ക്കാണ്  ഈ വര്‍ഷത്തെ മലയാളി രത്‌ന പുരസ്‌കാരം.
സമ്മേളനത്തില്‍ വര്‍ക്കല കഹാര്‍ എം.എല്‍.എ , തലേക്കുന്നില്‍ ബഷീര്‍, സ്വാമി സൂക്ഷാമനന്ദ, ഡി.സി.സി വൈസ് പ്രസിഡന്റ് പി.എം ബഷീര്‍, സി.പി.എം ജില്ലാ കമ്മിറ്റിയംഗം അഡ്വ. എസ്. സുന്ദരേശന്‍, നഗരസഭാ ചെയര്‍പേഴ്‌സണ്‍ ബിന്ദു ഹരിദാസ് തുടങ്ങിയവര്‍ സംബന്ധിക്കും.