ആറ്റിങ്ങല്‍: കേരള തപസ്യാ കലാസാഹിത്യവേദിയുടെ ആഭിമുഖ്യത്തില്‍ നടക്കുന്ന  സാഗര തീര സാംസ്‌കാരിക തീര്‍ത്ഥയാത്രയ്ക്ക് ആറ്റിങ്ങലില്‍ സ്വീകരണം നല്‍കും.
നാളെ വൈകുന്നേരം നാലിന് ആറ്റിങ്ങല്‍ ദ്വാരക ആഡിറ്റോറിയത്തിലാണ്  സ്വീകരണം നല്‍കുന്നത്.ആറിന് നടക്കുന്ന സാംസ്‌കാരിക സമ്മേളനം  സംവിധായകന്‍ വിജി തമ്പി ഉദ്ഘാടനം ചെയ്യും.  കൊല്ലം തുളസി, ഡോ. ടി.ആര്‍. ഷീജാകുമാരി, ജി. രാജന്‍, എം.സതീശന്‍, പി.നാരായണ കുറുപ്പ് , ബി.സുജിത് ചിറയിന്‍കീഴ് എന്നിവര്‍ സംസാരിക്കും.
കവി എസ്.രമേശന്‍ നായര്‍ അധ്യക്ഷനാകും.ചടങ്ങില്‍ ആറ്റിങ്ങല്‍ മേഖലയില്‍ കലാ സാംസ്‌കാരിക മേഖലയില്‍ വ്യക്തി മുദ്ര പതിപ്പിച്ച  നേവലിസ്റ്റ് ഉണ്ണി ആറ്റിങ്ങല്‍, കവി വിജയന്‍ പാലാഴി,  ചിത്രകാരന്‍ സുരേഷ് കൊളാഷ്,  സംഗീത സംവിധായകന്‍ പാര്‍ത്ഥ സാരഥി, കളമെഴുത്ത് ആശാന്‍ കൊച്ചുനാരായണപിള്ള എന്നിവരെ ആദരിക്കും.