ന്യൂഡല്‍ഹി: 2020 ല്‍ നടക്കുന്ന ടോക്കിയോ ഒളിംപിക്‌സിനുള്ള വനിതാ ഫുട്‌ബോള്‍ യോഗ്യതക്കുള്ള ഇന്ത്യന്‍ ടീമിനെ പ്രഖ്യാപിച്ചു. 20 അംഗ ടീമിനയൊണ് പ്രഖ്യാപിച്ചിട്ടുള്ളത്.
മ്യാന്‍മര്‍, ബംഗ്ലാദേശ്, നേപ്പാള്‍ എന്നിവരുള്‍പ്പെടുന്ന ഗ്രൂപ്പിലാണ് ഇന്ത്യയുള്ളത്. താരതമ്യേന ദുര്‍ബലമായ ഗ്രൂപ്പായതിനാല്‍ ഇതുവരെ യോഗ്യതാ മത്സരത്തില്‍ രണ്ടാം ഘട്ടം കടക്കാത്ത ഇന്ത്യ പ്രതീക്ഷയിലാണ്.
നവംബര്‍ എട്ടിന് ആദ്യ മത്സരത്തില്‍ ഇന്ത്യ നേപ്പാളിനെ നേരിടും. 11ന് ബംഗ്ലാദേശിനെതിരേയും 13ന് മ്യാന്‍മാറിനെതിരേയും ഇന്ത്യ കളിക്കും.
ടീം: ഗോള്‍കീപ്പര്‍മാര്‍: പന്തോയ് ചാനു, അതിത് ചൗഹാന്‍, ലിങ്‌ദോങ്ഭയ് ദേവി.
പ്രതിരോധം: അസ്‌ലാത ദേവി, മാനിഷ പന്ന, സ്വീറ്റി ദേവി, ജബമണി തുഡു, ഡാലിമ ചിബ്ബര്‍, പ്യാരി സാസ.
മധ്യനിര: സംഗീത, സഞ്ജു യാദവ്, മാര്‍ഗരറ്റ് ദേവി, രഞ്ജന ചാനു, ഇന്ദുമതി കതിരേശന്‍.
മുന്നേറ്റനിര: കമല ദേവി, അഞ്ജു തമാങ്, രതന്‍ബാല ദേവി, ബാലദേവി, ദങ്മയ് ഗ്രേസ്, സന്ധ്യ രംഗാധരന്‍.