തിരുവനന്തപുരം: ഖത്തീബ്‌സ് ആന്‍ഡ് ഖാസി ഫോറത്തിന്റെ നേതൃത്വത്തില്‍ ഇശ്ഖുറസൂല്‍
സംഗമവും പുരസ്‌ക്കാര സമര്‍പ്പണ സമ്മേളനവും ബുധനാഴ്ച നടക്കുമെന്ന് ഫോറം ജന. സെക്രട്ടറി പാച്ചല്ലൂര്‍ അബ്ദുസ്സലീം മൗലവി അറിയിച്ചു.
ഉച്ചക്ക് 2.30 ന് മസ്‌ക്കറ്റ് ഹോട്ടലിലെ സിംഫണി ഹാളില്‍  ഹാഫിസ് പി.എച്ച് അബ്ദുല്‍ ഗഫാര്‍ മൗലവി ഇശ്ഖുറസൂല്‍ സംഗമം ഉദ്ഘാടനം ചെയ്യും.പാനിപ്ര ഇബ്‌റാഹീം മൗലവി അധ്യക്ഷത വഹിക്കും. ചിറയിന്‍കീഴ് എ.എം നൗഷാദ് ബാഖവി, എ.ആബിദ് മൗലവി അല്‍ഹാദി, വി.എം ഫത്തഹുദ്ദീന്‍ റഷാദി, എസ് മന്‍സൂറുദ്ദീന്‍ റഷീദ് തുടങ്ങിയവര്‍ സംസാരിക്കും.
4.30 ന് നടക്കുന്ന പുരസ്‌ക്കാര സമര്‍പ്പണ സമ്മേളനം മന്ത്രി തിരുവഞ്ചൂര്‍ രാധാകൃഷ്ണന്‍ ഉദ്ഘാടനം ചെയ്യും.  ചേലക്കുളം മുഹമ്മദ് അബുല്‍ ബുഷ്‌റാ മൗലവി അധ്യക്ഷത വഹിക്കും. തോമസ് ഐസക് എം.എല്‍.എ മുഖ്യാതിഥിയായിരിക്കും.  ഫാ. യൂജിന്‍ പെരേര, സ്വാമി അശ്വതി തിരുന്നാള്‍,  വിഴിഞ്ഞം സഈദ് മുസ്‌ലിയാര്‍, ഹാഫിസ് അബ്ദുശുക്കൂര്‍ മൗലവി തുടങ്ങിയവര്‍ സംസാരിക്കും.സയ്യിദ് പൂക്കോയാ തങ്ങള്‍ സ്വാഗതവും കടുവയില്‍ ഷാജഹാന്‍ മൗലവി നന്ദിയും പറയും.