കല്‍പ്പറ്റ: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ ജില്ലയില്‍ നിന്നു തിരഞ്ഞെടുക്കപ്പെട്ട മദ്‌റസ അധ്യപകര്‍ക്കുള്ള സര്‍വീസ് ആനുകൂല്യം വിതരണം ചെയ്തു. കല്‍പ്പറ്റ സമസ്ത ജില്ലാ കാര്യാലയത്തില്‍ നടന്ന ചടങ്ങില്‍ ഇബ്രാഹിം ഫൈസി വാളാടിന് തുക കൈമാറി സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ ഉദ്ഘാടനം ചെയ്തു. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് എം.എം ഇമ്പിച്ചിക്കോയ മുസ്‌ലിയാര്‍ അധ്യക്ഷനായി. മുഹമ്മദ് കുട്ടി ഫൈസി മാനാഞ്ചിറ, എം.എ ഇസ്മായില്‍ ദാരിമി, ഉമര്‍ ദാരിമി തലപ്പുഴ, വി.കെ സഈദ് ഫൈസി തുടങ്ങിയവര്‍ സംബന്ധിച്ചു.