ന്യൂഡല്‍ഹി: വിദേശ പര്യടനവേളയില്‍ ഇന്ത്യന്‍ ക്രിക്കറ്റ് താരങ്ങള്‍ക്ക് ലഭിച്ചിരുന്ന ദിനബത്ത ഇരട്ടിയാക്കി. നേരത്തേ ഉണ്ടായിരുന്ന ദിവസം 125 ഡോളര്‍ (ഏകദേശം 9,000 രൂപ) എന്ന ദിനബത്ത നിലവില്‍ 250 ഡോളറായി വര്‍ധിപ്പിച്ചു. കളിക്കാരുടെ കൂടാതെ പരിശീലകരുടേയും സെലക്ടര്‍മാരുടെയും ദിനബത്തയും വര്‍ധിപ്പിച്ചിട്ടുണ്ട്. ഹോം മത്സരങ്ങളിലെ ബത്ത വര്‍ധിപ്പിച്ചിട്ടില്ല. വിനോദ് റായ് സമിതിയാണ് പ്രതിഫലം കൂട്ടിയത്.വിദേശ പര്യടനങ്ങളില്‍ ബിസിനസ് ക്ലാസ് യാത്ര, താമസം തുടങ്ങിയ ചെലവുകളെല്ലാം ബി.സി.സി.ഐ തന്നെയാണ് വഹിക്കുന്നത്. എന്നാല്‍ ഇന്ത്യക്ക് ഈവര്‍ഷം വിദേശപര്യടനമില്ല. അടുത്തവര്‍ഷം ന്യൂസിലന്‍ഡ് പര്യടനം മുതലാണ് ഈ നേട്ടം ലഭിച്ചു തുടങ്ങുക.