തളിപ്പറമ്പ്: സംസ്ഥാന മാസ്റ്റേഴ്‌സ് നീന്തല്‍ മത്സരത്തില്‍ കോട്ടയം ജില്ല ഓവറോള്‍ കിരീടം നേടി.
13 വിഭാഗങ്ങളിലായി നടന്ന വിവിധ മത്സരങ്ങളില്‍ 763 പോയിന്റ് നേടിയാണ് കോട്ടയം ഒന്നാംസ്ഥാനം നേടിയത്.
664 പോയിന്റ് നേടി തൃശൂര്‍ രണ്ടാമതും 254 പോയിന്റുമായി കണ്ണൂര്‍ മൂന്നാംസ്ഥാനവും കരസ്ഥമാക്കി.
25 മുതല്‍ 85 വയസ് വരെയുള്ളവര്‍ മത്സരങ്ങളില്‍ മാറ്റുരച്ചു.
വിവിധ വിഭാഗങ്ങളിലായി 150ഓളം പേര്‍ വിവിധ ജില്ലകളില്‍ നിന്നായി രണ്ടുദിവസത്തെ മത്സരങ്ങളില്‍ പങ്കെടുത്തു. വിജയികള്‍ ഒക്ടോബര്‍ 18 മുതല്‍ ലഖ്‌നൗവില്‍ നടക്കുന്ന സംസ്ഥാനതല മത്സരത്തില്‍ കേരളത്തെ പ്രതിനിധീകരിച്ച് മാറ്റുരയ്ക്കും. സമാപനത്തില്‍ കെ.എ.പി നാലാം ബറ്റാലിയന്‍ കമാന്‍ഡന്റ് എ. ശ്രീനിവാസ് മുഖ്യാതിഥിയായി ട്രോഫികള്‍ നല്‍കി.